Древнерусская литература

Транслитерация:
[О телчеслоне]
Се животное телчеслон, в Индии и в Ефиопии обретается. Но индийскыи кротцы суть, и на тех в облозех возять попер и ина бремена. И млеко, еже доять от них, и масло, вкупе же и мясо ямы убо христиане, закалающе, и иеллини же. Ефиопьстии же велицы суть и неукротимы.
[О жирафе]
Вельблюдопардус в Ефиопии единой обретаются. И тии паки дивии неукротими суть. В полате же и дворе царьском укротятся изъмлада, едино или два на видение ему. Егда же въдають ему пити пред царем в лохани велицей млеко или воду, аще не прострет преднюю ногу, не можеть досящи и пити на земли, понеже и ногам, и прьсем, и шии высоком бытии, бес пря роздвигающи ноги, тогда можеть пити. Сиа видевше, написахом.